 壞細路？--太阳报
文： 慢必 04/08/2000 欲加之罪，何患無詞。 最容易砌得入你的罪名叫：壞細路。你死你賤，自甘墮落是閣下的事，千祈唔好壞社會未來的主人翁——細路。壞細路罪大惡極、罪無可恕，大人可以衰到貼地，細路一定要保持純潔之身。想食、飲酒、爆粗、媾女、做愛，冇問題！唔該忍多幾年，「壞事」只准年滿十八歲人士做，到時冇人會理，因為這叫多管閒事！相反，細路的事就人人都有權理，皆因壞細路是社會的錯。 LMF唱粗口歌壞細路，明星校服狂歡派對壞細路，連哥哥張國榮演唱會扮女人都畀人話影響社會風氣，壞細路。如果我個仔學到LMF，講粗口講得咁有創意，咁有社會批評意識，又唔錯。與其向LMF大興問罪之師，不如檢討自己在仔女面前的言行舉止。 明星校服狂歡派對惹來滿城風雨，罪大滔天，惡貫滿盈，得罪宗與育人士，但若說它壞細路，我又唔同意。同學仔睇見王菲住校服食、飲酒、徹夜狂歡，唔通又學她住校服由朝蒲到晚？ 哥哥張國榮演唱會扮女人，只有美醜之分，並無好壞之別。你可以話哥哥唔知醜、核突、似洪朝豐，但唔可以話佢壞人，影響社會風氣。 有冇細路可以話我知，邊個是壞你的「真兇」？ |
----------------------------------------------
鹤 舞 白 纱 荣 心 飞 翔 ~~~~
| 
注册
<聚荣堂> 自恋小屋 →
* 哥 哥 的 艺 术 * GORGOR’S ART * → < 颜 色 不 一 样 的 烟 火 > → 壞細路？--太阳报
2002/10/3 17:17:53
鲜花
鸡蛋