哥哥好﹗ -- 星島日報 葉念琛﹕廿四歲文字僱傭兵﹐近作《洪興十三妹》。 琛﹕上星期睇哥哥張國榮會展新翼舉行拉闊個唱﹐興奮心情一直持續到依家﹗強﹕聽講呢個演唱會飛﹐網上炒到成萬二蚊一張﹐我最有興趣係咪真正值回票價﹗琛﹕萬二蚊張飛當然係誇張﹐不過正好代表哥哥號召力﹐事實上演唱會的確掀起近年少見撲飛熱潮﹐似乎大家都真係餓哥哥歌太耐﹗強﹕哥哥復出舞台已經有數年﹐但講到唱歌聲勢﹐點都係去年最犀利﹐一首〈左右手〉唱到街知巷聞﹐另外﹐佢亦近三年無開演唱會﹐到底佢表現成點﹖琛﹕當然唔使講───一個字「掂」﹐演唱會中﹐哥哥以一系列快歌如〈H2O〉﹑〈不羈的風〉和〈拒絕再玩〉等打開序幕﹐即刻搞到全場氣氛熱烈﹐之後再多首情歌金曲〈為你鍾情〉「」到一班Fans神魂顛倒﹗強﹕睇報紙見到哥哥演唱會形象亦都非常大膽﹐佢個露臍裝真係好鬼「激」﹗琛﹕雖然呢件露臍裝令哥哥露出個小肚腩﹐但我反而更欣賞佢表演時拋開包袱﹐好鬼死放﹐特別係佢「嬌俏」對白﹐初聽好礙耳﹐但聽慣又會領略到佢一片真﹐環顧時下娛樂圈﹐大概只有哥哥有這個胸襟去表現真我﹐究竟首〈為你鍾情〉係咪唱畀唐先生聽﹖係就最好不過﹐因為令到成件事更加美麗﹗ |
---------------------------------------------- 鹤 舞 白 纱 荣 心 飞 翔 ~~~~
|