 唐唐：哥哥與我情未變--〈成报〉
 此主题相关图片如下：
此主题相关图片如下：
凌晨三時四十五分，身穿浴袍的「唐唐」向記者講述與哥哥的一段情。
此主题相关图片如下：
1956-2003
此主题相关图片如下：
「哥哥」（左）與「唐唐」一度出雙入對。
【本報特訊】受盡萬千歌迷愛戴的張國榮，前日在文華酒店跳樓結束生命，由於他懷有遺書，內容大意是抵受不了情緒困擾而作此決定，於是引起外界猜測，有報道指在「哥哥」自殺前兩小時，跟他有十八年感情的男友唐鶴德，曾帶同一男性朋友與「哥哥」講數，結果「哥哥」在感情受困下跳樓，被說成是負心漢的「唐唐」，昨日凌晨在他與「哥哥」的居所外，向記者澄清他沒有第三者，由始至終他最愛是「哥哥」，「哥哥」的死是因為患了抑鬱症，跟感情事絕對無關。
「唐唐」於昨日凌晨三時四十五分，穿白色浴袍，在司機陪同下走出家門，他一臉憔悴、面上掛了兩個大眼袋、唇上還有未乾的鼻水，隔住鐵閘向門外的數十名記者表白他對「哥哥」的感情，並透露「哥哥」其實早有自殺前科。 唐：唐唐 記：記者 記：你今日（四月一日）有冇見過哥哥？ 唐：今日屋企見過，其實我大概知佢行程，因為佢近期有情緒不穩，所以大家都好留意佢。佢同我講想出去見人，我一直同佢保持聯絡，五點幾同佢通電話，重約好一齊去打波，我同佢講不如我唔車出來，打完波一齊返屋企。 記：傳聞話陳太（張國榮前經理人陳淑芬，跟哥哥感情很深）在場？ 去年11月尋死不遂
唐：陳太今日約佢飲茶，途中陳太打電話畀佢，覺得佢有問題，點知陳太未到，佢就出事。 記：你聽到個消息時會唔會以為有人玩？ 唐：我冇想過係玩，聽到時我好驚，去到醫院重驚！ 記：去到醫院有冇見過哥哥？ 唐：只係見到少少，見多都唔得，醫院叫我唔好見咁多。 記：哥哥有冇試過自殺？ 唐：試過，去年十一月，但唔成功。 記：佢上次為咩事自殺？ 唐：我唔方便講。 記：咁今次自殺原因係咩事？ 唐：我諗我知，但要同佢家人商量過，先決定可唔可以同外界交代。 記：有冇睇過哥哥封遺書？ 唐：有，但不便透露。 記：哥哥在遺書內提到「他一生中沒做過壞事，為何這樣」，點解？ 唐：我知道佢意思，但不便透露。 記：報道話你各有新歡，你有新男友，哥哥有Kenneth（助手）？ 唐：根本唔係呢回事，佢之間絕對只有賓主關係。 記：你呢一刻係咪最愛哥哥？ 唐：點止呢一刻，咁多年都係！之前有好多報道無中生有，今日我出講，係唔想再有錯誤報道。 記：哥哥近期係咪情緒不穩？ 唐：係有少少波動，但絕對唔關感情事。 記：你有冇同佢傾過？ 唐：有，但佢問題好複雜。 記：傳聞佢有抑鬱症，係咪真？ 唐：我唔係好肯定，因為我唔係專業醫生，但我角度佢係有抑鬱症。 記：要唔要定時食藥？ 唐：我不便透露，但佢好合作，定時睇醫生。 記：哥哥有冇咩心願？ 唐：佢想做導演，佢覺得自己好有做導演潛質。 記：有傳哥哥拍《異度空間》撞邪？ 唐：唔係，只係事業上有少少唔順利。佢係個好緊張人，好似之前有部戲話開但後來開唔成，佢都好緊張。 記：家事有冇問題？ 唐：家裏面絕對冇問題，我重申多次，我同哥哥感情冇變過，我之間完全冇第三者。 患抑鬱症定時求診
記：哥哥生前有冇交帶過想火葬定土葬？ 唐：佢講過想火葬。 記：依家哥哥去，會唔會幫佢做點事？ 唐：我巳經幫佢好多。 記：咁會唔會協助辦後事？ 唐：你跟住我，唔方便，喪事分配好晒朋友去搞，今日我唔會出街，我出講，都係想你唔好再等，騷擾鄰居。 唐唐跟哥哥的感情，雖然未必得到外界的認同，但他們的朋友、家人卻很接受，並視他們是一對，他們的感情亦如同夫妻一樣，互相照顧互相關心，現在哥哥已死，一向只站在哥哥背後默默支持他，從來不會在傳媒面前發言的唐唐，也要走出來向傳媒作出澄清，而他對哥哥的關懷，亦未因為記者的貼身追蹤而退縮，昨日傍晚，他帶疲累身驅，親自去殯儀館為哥哥打點喪事，看完哥哥遺容的他，默不作聲地離去，記者只能從他落寞的神情中感受他的傷痛。
此主题相关图片如下：
Kenneth一度傳為第三者，被哥哥否認。 | 
注册
<聚荣堂> 自恋小屋 →
* 祭 奠 * SAD * → < 最 后 的 谢 幕 > → < 2003.4.2 > → 唐唐：哥哥與我情未變--〈成报〉
2003/4/28 22:33:54
鲜花
鸡蛋