楼主

张国荣唱错歌词  高志森请安歌——《明报》 張國榮唱錯歌詞 高志森請安歌    張國榮那日為『花田囍事』收音唱插曲，收工時，高志森『你係唔係返屋企呀？』張國榮話 ，我見開過來的是一輛小巴，乃細細聲問高志森：『張國榮肯唔肯坐小巴呀？』『點解唔肯呀？』高志森答我。 我話：『一年前，亦是去年這時候，你地係澳門拍『家有囍事』，我記得，張國榮係我面前投訴，話你地用一架好邋遢嘅小巴來接送佢，佢話但平時都用名車，千里迢迢到了澳門，被當貨物運載。『真係？我唔知噃。』高志森話。『後尾公司換了架平治畀佢代步，我記得果日我趕船返香港，截唔到車，想借用佢架平治，個司機都話，借用要問過張國榮先。『係咩？』高志森話：『辣斯里變 咗啦。今年我地去新加坡拍『花田囍事』，佢主動提出同大隊同住一間酒店，以便多點溝通。佢話今次唔使特別安排酒店咁話喎。舊年又係唔同嘅，「退隱」三年後復出。尋找佢(拍戲)嘅勢力人士又多，唔似現在咁輕鬆自在。  　    其實，今天六月份的時候，張國榮在北京拍『霸王別姬』；當時，佢堅稱不會回港拍戲，為此，于仁泰決定移船就磡，遠征加拿大。但，未幾，即有王家衛要拍『東邪西毒』的消息，我便知，辣斯里一定要回港拍戲才成，因為凡是大片，都不可能通統移船就磡到北美洲去。果然，未幾傳出張國榮行將回港拍戲的消息。 在收錄『花田囍事』插曲的現場，我聽張國榮清唱(因播放的音樂只有戴上耳機的他和毛毛才聽得見)，覺得佢聲線依然吸引，唱歌技巧依然卓越，真為他的退出感到惋惜。現在唱歌當紅的哪兒有他這個水準。 有一次，張國榮記錯了詞，把「凌晨」，唱作「奇緣」，高志森也沒叫cut，直讓他唱完，才客氣的說：『我們來補唱那一句。』張國榮不肯，『要唱就由頭重來。』他說。 對呀，大歌星怎可以逐句的唱，傳出去不得了。何況有我這個搖筆桿的在。  　   我發覺一個問題，做大歌星真好，唱錯詞，導演俾面，不便叫cut。導演指出錯誤也得待大歌星唱完後。還不好意思勞煩他從頭唱，只敢叫重唱那句。我當時有一個想法，做乜都好啦，一定要做出類拔萃那個，於是你每開一句口，都有他人「適當」的反應。 林冰 明報 (9/11/1992)

	第2楼

晕，旧文呀，偶还以为是新的。